RESPIRAMOS ROSALÍA

O día 24 de Febreiro, como non podía ser doutra forma, desfrutamos dunha xornada Rosaliana.

O "Adiós Ríos, Adiós Fontes" foi o poema elexido para pintalo, debuxalo, contalo...

Un pequeno acto de mullerenaxe para unha das nosas devanceiras, unha muller valente que nos sinalou camiño e traxectoria.

Mullerenaxe a Rosalía. Muller. Galega. Universal.

TES MÁSCARA, CAROLINA?

Chega o Entroido e, como cada ano hai que sacar punta á actualidade.

Extrañamos partillar estas datas ca vila, subir ver @s pequech@s do colexio ao Cantón e desfrutar das cores, das cancións e dos bailes.

Quixemos facer a nosa aportación en forma de mocas, burlas e chacotas, así que dímoslle unha volta cargada de humor e teatro á canción: Bailaches, Carolina? converténdea en Tes máscara, Carolina?

Porque...temos moitos anos...pero tamén pouca vergoña. Adiante Don Carnal!!!

CONTRA A FORTE PANDEMIA...MOITO HUMOR!

As bromas, os chistes, as risas e a música fan máis levadeiras as distancias e as ausencias.

Para nós calquera excusa é boa para entroidar, máis en estes tempos difíciles, onde precisamos sentir os sorrisos detrás das máscaras...

Parece que neste 2021 agárdannos cousas nunca vistas...quen vai traer a vacina ao Centro de Día de Ribadeo?

CORREOS QUE VEÑEN E VAN

Iniciamos o 2021 ca necesidade de empregar outras ferramentas para relacionarnos.

Enfrentamos así, o desafío de integrarnos na rede de redes (internet).

Non o vamos a negar, a actividade preséntasenos con algúns medos  e dificultades, pero non queremos quedarnos á marxe.

En primeiro lugar, imos utilizar Internet para comunicarnos con outras persoas externas ao CAPM "A Concordia":  temos contactos na Residencia e Centro de Día de Foz de IDEA e na Residencia para Persoas Maiores que xestiona a Diputación no Concello de Ribadeo.

A actividade facilita a apertura a outros espazos, pon ao noso alcance persoas e actividades, invítanos a saír do illamento e é un elemento imprescindible, nestes momentos, para promover relacións e sociabilización

 

Creamos os nosos propios enderezos electrónicos.

Con ilusión abrimos os correos que nos chegan, e preparamos resposta

Imos tecendo afectos a través dos correos e coñecendo á persoa que está ao outro lado da rede

A comunicación é moito máis que unha persoa emisora e outra receptora. As palabras (escritas, faladas, pensadas, soñadas...) son instrumentos esenciais para a existencia plena

Encontros nos correos para construir amizades

CONTOS PARA CONSTRUIR PONTES E DERRUBAR FRONTEIRAS

Plantexamos agora un conto,contamos os Reis,  xa que as persoas maiores do CAPM de Ribadeo, desfrutan de contar contos ás crianzas.

Grandes contadores  e contadoras que se alimentan ca atención dos ollos e orellas das persoas pequenas.

As persoas pequenas, non perden detalle cando as persoas maiores contan, e iso é o alicerce das nosas actividades interxeneracionais.

A través dos contos buscamos motivar, acompañar e apoiar ás crianzas pero tamén a toda a comunidade nestas extrañas burbullas de distancia física.

Queremos manter vivos os lazos afectivos, promover o hábito da lectura e tamén transmitir coñecementos, valores e principios que nos leven a uns entornos vitais máis inclusivos, máis humanizados e máis respetuosos capacidades diferentes

 

Cando Martiño tivo ganas de mexar na noite de Reis

Contos cos que construir pontes e derrubar fronteiras